لما الرئيس يعمل عريس
وابن الرئيس يبقي الوريث
واما الغفير يسرق يهيص
يبقي انت اكيد اكيد في مصر
لما الرشوة تبقي شطارة
واما السفيه يملك عمارة
والحرية شعار وتجارة
ويقابلوا الحق بكل حقارة
يبقي انت اكيد اكيد في مصر
اما المكوجي يملك ملايين
والعلما تاكل بالدين
لما حياتنا تصبح طين
يبقي انت اكيد اكيد في مصر
لما القاتل ياخد جنحة
والمقتول يدولو منحة
لما سجونا تصبح شرحة
ويقابلوا موتنا بالفرحة
يبقي انت اكيد اكيد في مصر
لما السفينة تبقي مغامرة
وقطارنا ميوصلش لغمرة
لما الموت يبقي بالجملة
ويقيسوا حياتنا بالعملة
يبقي انت اكيد اكيد في مصر
واما الناس مش عارفة تعيش
وان كلو يوم عشرة مفيش
واما الفرخة من غير ريش
يبقي انت اكيد اكيد في مصر
لما الناس كلها تتعارك
وانتخابتنا تبقي معارك
وحكومة بأبنه تتبارك
يبقي رئيسك اسمه مبارك
يبقي انت اكيد اكيد في مصر
وفى النهايه إحنا بنحب الريس وبنعشق الحكومه
يبقى انتا اكيد فى مصر 
العرض العادي
